Nasa 30 libong volunteers na ang lumagda para sa National COVID-19 Vaccination Days.
Ito ang inihayag ni Dr. Beverly Ho, Concurrent Director-4 ng Health Promotion Bureau at Disease Prevention and Control Bureau, bilang preparasyon sa malawakang bakunahan simula bukas, hanggang December 1.
Bagaman may ilan anyang magmumula sa NCR at bibiyahe patungong mga probinsya, kailangan pa rin nila ng karagdagang volunteers.
Nilinaw naman ni Ho na hindi lamang mga may medical background ang kinukuha nilang volunteers dahil kailangan din ng educators na makakatuwang ng kanilang encoders sa pag-register at pag-orient ng mga babakunahan.
Maaari namang magparehistro ang mga nagnanais mag-volunteer sa national volunteer registration portal na pnsca.gov.ph.—sa panulat ni Drew Nacino
