Iniimbestigahan na ng Office of the Vice President (OVP) kung sino ang nasa likod ng fake booking na gumamit sa pangalan ni Vice President Leni Robredo.
Sa isang tweet, sinabi ni OVP Spokesperson Barry Gutierrez na nakatanggap ang opisina ng mga order na nagkakahalaga ng mahigit 100,000 pesos mula sa Metro Mart.
Aniya, nakuha na nila ang ginamit na number sa pekeng booking.
Sa isang tweet, sinabi pa ni Gutierrez na hindi man lamang inisip ng mga scammer ang mga delivery rider at inaksaya lamang ang oras ng mga ito. —sa panulat ni Hya Ludivico
