Isa ang patay nang mahulog ang isang kotse sa ginagawang tulay sa Antero Soriano Highway, sa Cavite.
Ayon sa ulat, linggo ng gabi nang mahulog ang itim na sasakyan sa Obispo bridge ng hindi umano nakita ng drayber nito ang nakapaskil na nasa madilim na lugar na “bridge under repair” nailigtas naman ang mga sakay nito.
Samantala, madaling araw naman kanina nang mahulog ang puting sasakyan sa kaparehong tulay lulan ang tatlong mga sakay nito.
Ayon sa mga rescuer naipit ng sasakyan ang mga pasahero nito kaya’t hindi naging madali ang pagsagip.
Isinugod sa ospital ang isang babae, ngunit nasawi rin kalaunan.
Balde na may lamang lupa at bato ang nagsisilbing pangharang sa nasabing tulay.
Sa isang panayam nagbabala si barangay Amaya Dos Captain Anthony Arbis sa mga drayber mula Maynila at tatawid ng Cavite, na magdahan-dahan sa pagmamaneho dahil drum lang ang nakapaligid sa ginagawang tulay.—mula sa panulat ni Joana Luna