Dinumog ng libu-libong supporter ng mga presidential aspirants sa 2022 elections ang inilarga nilang caravan sa ilang panig ng bansa, kahapon.
Nasa 5,000 motorcycle riders at halos 500 sasakyan ang nakibahagi sa “2nd blue wave caravan” bilang suporta sa kandidatura sa pagka-pangulo ni Manila Mayor Francisco “Isko Moreno” Domagoso.
Nagsimula ito sa Road-10 sa Tundo, Maynila at binagtas ang C-4 at Monumento sa Caloocan City hanggang EDSA – Roxas Boulevard sa Pasay City.
Sa Cebu City, sinamahan si Senador Manny Pacquiao ng daan-daang siklista sa Cebu City bilang ng suporta sa kanyang kandidatura.
Libu-libo rin ang lumahok sa red day voluntary motorcade caravan sa Cebu, EDSA-MOA, Luneta at Ilocos Norte ni dating Senador Ferdinand “Bongbong” Marcos Jr.
Samantala, naglunsad naman ng pink caravan of hope ang mga supporter ni Vice President Leni Robredo mula Vancouver, Victoria, Calgary, Winnipeg Toronto Montreal at Ottawa, Canada. —sa panulat ni Drew Nacino
