Gagawa ng bagong sistema ang United Nations Children’s Fund o UNICEF upang direktang mapondohan ang mga kaguruan sa Afghanistan.
Ayon kay UNICEF Afghanistan Chief of Education Jeannette Vogelaar, nais nilang sa guro mapunta ang tulong nang hindi na dadaan pa sa mga Taliban.
Kamakailan lamang ay ihininto ng UNICEF ang pagpopondo sa Afghanistan matapos sakupin ng Islamist Taliban ang bansa noong Agosto.
Bukod dito, ikinababahala naman ng UNICEF ang posibilidad na muling pagbawalan ng taliban ang mga kababaihan na bumalik sa paaralan.—sa panulat ni Joana Luna
