Proud na proud na sinabi ng queen of all media na si Kris Aquino na “looking forward” na siya bilang isang Sarmiento o maikasal sa napapabalitang kasintahan nito at dating secretary ng Department of Interior and Local Government o (DILG) na si Mel Senen Sevilla Sarmiento.
Ito ay matapos ipost ni Kris sa kaniyang instagram account ang isang video na may long messages tungkol sa kaniyang pamilya at sa dating kalihim ng DILG.
Sa nasabing video, makikitang magkatabi ang dalawa kasama ng isang malaking flower bouquet na sinasabing bigay umano ni Sarmiento sa aktres.
Say ng aktres, in God’s perfect time, dumating narin ang hindi niya hinahanap at inaasahan sa kaniyang buhay.
Sa kabila nito, sinabi ni Kris na mananataling pribado ang kanilang personal na buhay sa pamilya man o maging sa relasyon. —sa panulat ni Angelica Doctolero
