Halos hindi humuhupa ang bilang ng mga kaso ng COVID-19 sa San Lazaro Hospital sa Maynila.
Inihayag ni Infectious Disease Specialist Dr. Rontgene Solante na base sa kanilang obserbasyon ay ito na ang pinakamahabang panahon na walang pagbaba sa kaso ng COVID-19 sa nasabing ospital.
Aniya, nagkakasakit na rin maging ang mga health workers dahil sa dami ng mga pasyente.
Nanawagan naman si Solante sa pamahalaan na ibigay sa tamang oras ang Special Risk Allowance ng health workers dahil marami na sa kanila ang nais na magbitiw sa kanilang trabaho.
Giit pa ng eksperto, hindi biro na mag-alaga ng mga COVID-patient, lalo na ng mga severe at critical cases.—sa panulat ni Hya Ludivico
