Patay sa tama ng bala ang isang 58 anyos na lalaki sa Imus, Cavite.
Ayon sa ulat, sakay ang biktimang si Romeo Illano Delos Santos ng kanyang electric bike sa kahabaan ng Malagasang road ng mabaril ilang minuto lang nang umalis ito ng kanilang bahay.
Kwento ng anak ng biktima, wala silang kaalam-alam na nangyari at nalaman lang nila ang insidente sa isang kamag-anak.
Ayon naman sa mga otoridad, tinitingnan nila ang angulo na nagpanggap na food delivery rider ang suspek dahil sa pinatutupad na quarantine restriction.—sa panulat ni Rex Espiritu
