Nagparamdam na ang TV Host na si Willie Revillame sa kanyang posibleng pagsabak sa mundo ng pulitika.
Ayon kay Revillame, ihahayag niya sa unang linggo ng Agosto ang isang mabigat na desisyon sa kanyang buhay sa gitna ng haka-hakang tatakbo siyang senador sa 2022 national elections.
Bagaman walang direktang pahayag si Kuya Wil kung kaugnay ba ito sa halalan, tiniyak naman ng kapuso star na hindi siya magiging “kenkoy” at hindi magnanakaw sa kaban ng bayan.
Base sa June 7 hanggang 16 survey ng Pulse Asia para sa mga posibleng senatoriable, pang siyam si Revillame sa mga napupusuan ng mga respondent na iboboto. —sa panulat ni Drew Nacino
