Hindi kailangan gawing katatawanan ang nangyayaring pag-aalburuto sa Bulkang Taal.
Ito ang banat ni Senador Panfilo Lacson sa binitawang biro ni Pangulong Rodrigo Duterte hinggil sa nangyayaring eruption Taal Volcano.
Sa kanyang Twitter post, sinabi ni Lacson na sa gitna ng nararanasang takot at pangamba ng ilang residente sa Cavite at Batangas, hindi ito ang tamang oras para magbiro dahil sa panganib na dala ng Bulkang Taal.
Magugunitang , inihayag ni Duterte na lagyan na lamang ng cap ang bunganga ng Taal upang hindi na aniya ito magalburoto kung saan hindi naman ikinatuwa ni Lacson ang sinabi ng pangulo.
Gayunpaman, tiniyak ni Duterte sa publiko na handa ang Department of Social Welfare and Development na magbigay ng anumang ayuda at relief goods sa mga residente kung sakaling makaranas ng anumang sakuna kaugnay sa Bulkang Taal.