Banta sa buhay, panghahalay at pekeng bookings.
Ito ang ilan lang sa mga dinaranasan ngayon ni Maginhawa community pantry organizer Ana Patricia Non.
Sa isang post online, sinabi ni Non na siya’y napapaiyak na lang sa mga pangyayaring dinaranas.
Paliwanag ni Non na dahil sa mga banta sa kanyang buhay maging ang banta na siya’y halayin, hindi niya naduluhan ang ilan sa mga importanteng meeting sana sa mga opisyal na pamahalaan na makatutulong sa kanya maging sa mga magdo-donate sa kanyang community pantry.
Giit pa nito, na takot ang nangingibabaw sa kanya dahil sa mga banta sa kanyang seguridad.
Kasunod nito, napagdesisyunan ni Non na ngayong linggo ay magpapahinga muna siya sa pagpapa-unlak sa anumang interviews maging sa mga photo ops.
