Isang viral disease na tumatama sa mga kabayo ang nadiskubre sa Baguio City.
Ito’y matapos masawi ang 27 kabayo mula nitong nakaraang Marso hanggang Abril sa nasabing lungsod.
Ayon sa City Veterinary Offices, 21 mula sa 58 kabayo sa lungsod ang nagpositibo sa equine infectious anemia o swamp fever.
Sa kasamaang palad ay walang pang gamot para sa nasabing sakit.
Ilan sa mga sintomas na makikita sa kabayong tinamaan ng swamp fever ay pagbaba ng timbang, pagdurugo, pamamaga ng binti at dibdib.
Posible umanong kumalat ang virus sa dugo sa dahil sa mga horse flies.
