Pinalawig pa ng Government Service Insurance System (GSIS) ang financial assistance loan program nito hanggang sa ika-29 ng Disyembre 2021.
Sa inilabas na pahayag ni GSIS President at General Manager Rolando Macasaet, ang naturang hakbang ay para bigyang daan ang pagtulong pa sa mas nakararaming miyembro nito.
Paliwanag ni Macasaet, noong 2020 na nagsimula ang pandemya dulot ng coronavirus disease 2019 (COVID-19), sinuspindi ang naturang programa pero hindi aniya ito naging hadlang at nakapagpalabas pa ng P37-bilyon.
Kung kaya’t minabuti nila itong palawigin para anila guminhawa ang buhay ng kanilang mga miyembro.
