Dalawang senior citizen ang sugatan matapos sumalpok ang sinasakyan nilang van sa center island sa Pasig City.
Batay sa ulat ng Pasig Traffic Bureau, binabaybay ng kulay berdeng van ang southbound lane ng C. Raymundo Avenue nang mangyari ang aksidente pagsapit sa panulukan ng Mercedes Avenue.
Hindi muna pinangalanan ang dalawang nakatatanda na umiinda ng pananakit ng ulo subalit agad nang nalapatan ng paunang lunas.
Wasak naman ang kaliwang bahagi ng sasakyan dahil sa lakas ng pagkakabangga nito sa center island na napinsala rin dahil sa insidente.
