Matumal ang naging bentahan ng mga umano’y pampaswerte o lucky charm sa Divisoria sa Maynila.
Ayon sa mga tindera ng pampaswerte, kapansin-pansing tumumal o humina ang kanilang benta, kumpara noong papasok ang taong 2020 na hindi pa dumarating ang nakamamatay na virus.
Mababatid na usong-uso ngayon ang design na gintong ox o mga gintong baka dahil ‘Year of the Ox’ ngayong taon.
Bukod pa rito, may mga money tree ring mga binebenta na anila’y makatutulong sa pagbangon ng financial stability ng isang indibidwal at iba pang mga pampaswerteng kagamitin na pinaniniwalaang makatutulong ngayong 2021.
