Umakyat na sa 12,623 ang mga Pilipinong nahawaan ng COVID-19 sa ibang bansa.
Ayon sa Department of Foreign Affairs (DFA), tumaas ang bilang COVID-19 cases sa abroad dahil sa late reports na kanilang natanggap mula sa isang bansa na sakop ng Asia Pacific Region.
Sa kabila nito, sinabi ng DFA, na 13 namang mga Pilipino na nasa ibayong dagat ang gumaling na sa sakit, dahilan upang sumipa na sa 8,126 ang mga nakarekober, habang 863 ang mga pumanaw.
Aabot naman sa 3,634 ang mga pasyente na patuloy na nilalapatan ng lunas sa mga pagamutan.
