Nagtakda na ang gobyerno ng price range para sa COVID-19 swab tests.
Batay sa anunsyo ng Department Of Health nagkakahalaga ito ng P3,800 hanggang P5,000 .
Ayon kay Health Secretary Francisco Duque III, napagkasunduan ng ahensya at ng Department of Trade and Industry.
Ang flat rate na P3,800 sa mga public testing facilities habang naglalaro naman sa 4,500 hanggang P5,000para sa mga bribadong pasilidad.
Epektibo umano ito sa oras na mailabas sa mga pahayagan.
Magugunitang noong Setyembre nang ihayag ng DOH na target nitong maglabas ng price cap sa mga PCR test matapos mapag-alamang naniningil ng P10,000 o mahigit pa ang ilang testing facilities.
