Magsasagawa ng pagpupulong ang board ng PhilHealth para pag-usapan ang iba’t-ibang isyung kinakaharap ng ahensya.
Ayon kay Labor Secretary Silvestre Bello III, sa gagawing board meeting umaasa silang maayos nito ang isyu sa utang ng ahensya sa Philippine Red Cross (PRC).
Paliwanag ni Bello, nagiging maingat lamang ang pamunuan ng PhilHealth sa paglalabas ng pondo, lalo’t nababalot ngayon ang ahensya sa umano’y pauli-ulit na isyu ng korapsyon.
Kasunod nito, ani Bello, pakikiusapan ni Secretary Carlito Galvez, chief implementer ng National Task Force Against COVID-19, ang liderato ng PhilHealth na agarang ayusin ang problema nito sa PRC para naman hindi matengga sa mga quarantine facilities at hotels ang mga nagbabalik bansang mga Pilipino.
