Pinapurihan ng Palasyo ang mababang kapulungan makaraang ipasa nito sa ikatlo at huling pagbasa ang panukalang higit P4-T pambansang budget para sa susunod na taon.
Ayon kay Presidential Spokesperson Secretary Harry Roque, makailang beses na nilang inihayag na importanteng maipasa sa tamang oras ang pambansang pondo lalo’t kasama rito ang budget na gagamitin sa laban ng pamahalaan kontra COVID-19.
Kasunod nito, umaasa ang Palasyo na agarang maipadadala ng Kamara sa senado ang kopya ng ipinasang panukala para magkaroon naman ng sapat na oras ang mga senador na matignan at mapag-aralan ito.
