Itinanggi ng Malakanyang na mayroong 150 million dollar deal na pinasok ang Pilipinas sa Australia kapalit nang asylum ng mga Syrian refugees.
Sinabi ni Presidential Communications Secretary Sonny Coloma na walang impormasyon patungkol dito sa statement na inilabas ng Department of Foreign Affairs.
Nakatutok aniya ang pulong nina Foreign Affairs Secretary Albert Del Rosario at Australian Foreign Minister Julie Bishop sa usaping bilateral at partnership sa pagitan ng Pilipinas at Australia.
Bagamat natalakay din ang isyu tungkol sa migration at refugees, nasentro lamang aniya ito kung paano magampanan ng bawat bansa ang kanilang pagdaigdigang obligasyon pero hindi ang tungkol sa pagkupkop sa mga Syrian sylum seekers.
By: Aileen Taliping (Patrol 23)