Siniguro ng isa sa pinakamalaking internet service provider sa bansa na Globe at baguhang internet service provider na Converge, na hindi maaapektuhan ang kani-kanilang mga subscribers sa gagawing emergency maintenance ng Asia America Gateway (AAG).
Alinsunod sa inilabas na kalatas ng Globe, sinabi nito na magpapatuloy pa rin ang paghahatid ng kanilang serbisyo sa kanilang mga subscribers.
Bukod dito, siniguro rin ng pamunuan ng Converge na hindi maaapektuhan ang kanilang mga subcribers, kaya’t hindi dapat anila mag-alala ang mga ito.
Nauna rito, nag-abiso ang PLDT at Smart, na magkakaruon ito ng 5 araw na emergency maintenance mula ngayong araw Setyembre 25 at magtatagal hanggang Setyembre 30.
