Banned na indefinitely sa UAAP events at sanctioned si dating UST head coach Aldrin Ayo.
Ito ay matapos i-review ng UAAP board of trustees ang mga rekomendasyon ng board of managing directors sa umano’y training bubble ng UST men’s basketball team.
Ang rekomendasyon ay ibinase naman sa report na isinumite ng UST matapos mag imbestiga sa umanoy training buble ng kanilang basketball team sa Capuy, Sorsogon.
Ayon pa sa UAAP magsasagawa rin ng imbestigasyon ang CHED kaugnay sa posibleng paglabag ng ust at iba pang indibidwal na posibleng sangkot sa nasabing aktibidad.
