Nabisto ng mga kawani ng Bureau of Immigration (BI) ang dalawang South Korean nationals na nagtangkang pumasok ng bansa dala ang pekeng marriage certificates.
Ayon kay BI Commissioner Jaime Morente, kinilala ang mga naharang na dayuhan bilang sina Shin Bumsik, at Woo Jungje sa Mactan-Cebu International Airport (MCIA) nitong August 17.
Batay sa inilabas na impormasyon ng BI, lulan ang dalawang dayuhan ng isang Aseana Airlines flight mula Seoul sa South Korea.
Dahil dito, inilagay na sa immigration blacklist ang pangalan ng dalawang dayuhan, kung saan hindi na sila kailanman papayagang makabalik sa bansa.
