Lumobo na ng 3,491 ang bilang ng mga nagpopositibo sa COVID-19 sa lungsod ng Navotas.
Ito’y makaraang maitala ang karagdagang 102 na bilang ng dinapuan ng virus.
285 naman ang naidagdag sa bilang ng mga gumaling dito, kaya’t 1,916 na ang total recoveries ng COVID-19 sa lungsod.
Sa kaparehong datos ng Health department ng lungsod, umakyat na rin ang bilang ng mga nasasawi dahil virus makaraang madagdagan ito ng isang panibagong COVID-19 related death.
Samantala sa kaparehong lungsod, batay sa pinakahuling datos ng Navotas Police, nasa 1,324 na ang kanilang nahuhuling lumalabag sa ipinatutupad na health protocols sa gitna ng umiiral na modified enhanced community quarantine (MECQ).
Sa naturang bilang 1, 127 sa mga ito ang nahuli dahil walang suot na face mask, o kaya naman ay mali pagkakasuot dito.
82 katao naman ang lumabag sa curfew, habang 115 katao naman ang nahuli dahil sa pagsuway sa physical distancing.
