Inihain sa Korte Suprema ang ika-11 petisyon kontra sa Anti-Terrorism Law.
Ang petisyon ay inihain nina dating Supreme Court Associate Justice Antoino Carpio, dating Ombudsman Conchita Carpio Morales at mga law professors ng University of the Philippines.
Hinihiling ng petisyon sa Korte Suprema na ideklarang null and void ang kabuuan o ilang probisyon ng Anti-Terrorism Law dahil lumalabag ito sa konstitusyon.
Nakapaloob rin sa petisyon ang kahilingan na maglabas ng temporary restraining order ang Supreme Court laban sa implementasyon ng batas.
Nakasaad sa 86 na pahinang petisyon na halos wala nang silbi ang Anti-Terrorism Law kapag pinawlang bisa ang napakaraming probisyon na malabo ang pagkakasulat at lumalabag sa konstitusyon.
Kabilang sa mga kinuwestyon sa petisyon nina Carpio ang ilang paragraphs sa section 3 gayundin ang sections 4 hanggang 12 sections 26 at 27,sections 29 at 30, sections 34 hanggang 36 at sections 45, 46 at 49.
