Apat na kalye sa Barangay Manggahan, Pasig City ang isinailalim sa 14-day localized enhanced community quarantine.
Kabilang sa mga kalyeng ito ay ang Pipino, Labanos, Okra at Ubas.
Ayon kay Barangay Manggahan Chairwoman Sheila De Asis, mayroong 104 na kaso ng coronavirus disease 2019 (COVID-19) sa kanilang lugar, kabilang na rito ang anim na nasawi at 50 active cases.
Dahil aniya rito ay kailangan nang maghigpit upang hindi na madagdagan pa ang naturang bilang.
