Hindi rin nakaligtas sa epekto ng coronavirus disease 2019 (COVID-19) ang isang malaking conglomerates.
Inianunsyo ng Aboitiz Group na dahil sa krisis na dala ng COVID-19 pandemic, nagpatupad sila ng rationalization ng kanilang workforce at ilan sa kanilang mga empleyado ang apektado nito.
Hindi binanggit ng Aboitiz kung ilang empleyado nila ang natanggal subalit tiniyak ng kumpanya na makakatanggap ang mga ito ng substantial separation package.
Kabilang sa mga kumpanya sa ilalim ng Aboitiz group ang Aboitiz Power Corporation, Aboitiz Land, Aboitiz Infracapital, Pilmico Food Corporation at Union Bank of the Philippines.
