Tinawag na “dark day” ng National Union of Journalists of the Philippines (NUJP) ang hatol ng hukuman laban kina Rappler CEO Maria Ressa at dating researcher na si Reynaldo Santos Jr. sa kasong cyber libel.
Ayon sa NUJP, pinatay ng nabanggit na hatol ang kalayaan sa pamamahayag at pagsalita sa bansa.
Gayunman, iginiit ng NUJP na hindi magiging dahilan ito para maging duwag ang mga mamamahayag sa bansa.
Bagkus ay mas pag-iibayuhin at ipagpapatuloy pa nila ang paglaban sa lahat ng mga nagtatangkang sumupil sa kalayaan.
Samantala, hinikayat naman ng grupong Altermidya National ang kapwa media practitioners mula sa alternative at mainstream media na tumayo para sa Rappler bilang bahagi ng tungkuling ipagtanggol ang press freedom.
Gayundin ang paglaban sa anila’y ginagawang panunupil ng administrasyong Duterte sa karapatan at kalayaan ng mga Filipino.
