Pinagpapaliwanag ng House Committee on Legislative Franchises ang mga opisyal ng National Telecommunications Commission (NTC) kung bakit hindi dapat mapatawan ng contempt sa pagpapatigil sa operasyon ng ABS-CBN.
Binigyan ng 72 oras ng ni Committee Chairman Franz Alvarez ang NTC para mag isyu ng kanilang paliwanag sa usapin.
Binigyang diin ni Alvarez na nagdulot ng undue interference at maituturing na disobedience sa kamara ang hakbang ng NTC na maglabas ng cease and desist order laban sa kapamilya network.
Kabilang sa pinagpapaliwanag sina NTC Commissioner Gamaliel Cordoba, deputy commissioners Edgardo Cabarios at Delilah Deles at legal branch head Ella Blanca Lopez.
