Sinuspinde at pinaiimbestigahan na ng Department of Labor and Employment (DOLE) ang isa sa kanilang opisyal sa Dubai na inirereklamo ng misbehaviour o pambabastos ng mga OFW’s doon.
Ayon kay Labor Secretary Silvestre Bello, kanya nang pinatawan ng administrative suspension si Philippine Oversease Labor Office (POLO) welfare officer Danilo Lim.
Kasunod ito ng ibinulalas na reklamo ng isang OFW sa dubai laban sa opisyal sa pamamagitan ng isang facebook live.
Kuwento ng OFW, nangyari ang insidente sa gitna ng pamamahagi ng OWWA food aid package sa mga Pilipinong manggagawang apektado ng coronavirus disease 2019 (COVID-19) pandemic sa Dubai at Northern Emirates.
Sinigawan at minura umano siya ni Flores matapos niyang silipin muna ang laman ng food aid package bago pumirma sa acknowledging receipt.
