Patuloy pa ring nadaragdagan ang bilang ng kumpirmadong kaso ng coronavirus disease 2019 (COVID-19) sa bansa.
Sa pinakabagong case bulletin ng Department of Health (DOH), alas kuwatro ng hapon ngayong Abril 19, nakapagtala ng 172 bagong kaso ng COVID-19.
Dahil dito, umakyat na sa 6,259 ang kabuuang bilang ng kumpirmadong bilang ng mga COVID-19 positive case sa bansa.
Tumaas naman sa 572 ang kabuuang bilang ng mga gumaling sa COVID-19 matapos madagdagan ng 56 na bagong recoveries.
Habang nadagdagan naman ng 12 ang bilang ng mga nasawi sa COVID-19 na umaabot na sa kabuuang 409.
