Hindi tatantanan ng militar ang mga bandidong Abu Sayyaf hangga’t hindi tuluyang nagagapi ang puwersa nito sa Mindanao.
Iyan ang pagtitiyak ni Lt. Gen. Cirilito Sobejana, ang hepe ng Western Mindanao Command (Wesmincom) matapos ang madugong engkuwentro nila sa mga bandido noong Biyernes.
Kahapon, personal na binisita ni Sobejana ang sugatang mga sundalo sa Camp Teodulfo Bautista Station Hospital at ginawaran ng medyalya ng sugatang magiting.
Kasunod nito, tiniyak ni Sobejana ang buong suporta sa mga nasawi at nasugatang sundalo dahil sa bakbakan at hindi rin pababayaan ang mga mamamayan ng Sulu dahil sa panibagong pag-atake na ito ng mga bandido.
