Tiniyak ni Philippine Ambassador to China Chito Sta. Romana na maayos ang kondisyon ng lahat ng mga Pilipinong nasa iba’t ibang bahagi ng Hubei Province partikular sa Wuhan City kung saan nagmula ang 2019 novel coronavirus (nCoV).
Sinabi sa DWIZ ni Sta. Romana na patuloy ang mahigpit na advisory nila sa mga Pilipino na mag-ingat at kung maaari ay huwag nang lumabas muna ng kani-kanilang mga bahay o umiwas sa mga matataong lugar partikular yung mga nasa Wuhan City.
Mahusay naman, so far, ang kondisyon ng mga Pinoy sa Tsina, wala namang balita na mayroong na-infect o natamaan ng virus. Inaabisuhan naming ang lahat na mag-ingat at kung maaari ay avoid crowded places, if possible, lalo na sa Wuhan, ‘yung sentro,” ani Sta. Romana.
Ipinabatid ni Sta. Romana na halos 300 Pilipino ang nasa iba’t ibang bahagi ng probinsya ng Hubei na nakakasakop sa Wuhan City kung saan nagmula ang 2019 novel coronavirus.
Batay sa ulat ng Shanghai consulate, about 150 Filipino ang nasa Wuhan, ngayon ang Wuhan ang kapitolyo ng probinsya ng Hubei sa central China, bukod sa Wuhan ay halos isang dosena na siyudad sa Hubei ang apektado,” ani Sta. Romana. —sa panayam ng Balitang Todong Lakas
30-50 Pinoy sa Hubei, China nais umuwi ng Pinas
Tatlumpu (30) hangggang 50 Pilipino na nasa Hubei Province ang nais nang makauwi ng Pilipinas.
Ipinabatid ito sa DWIZ ni Philippine Ambassador to China Chito Sta. Romana sa gitna na rin nang nakakasang lockdown sa Wuhan City kung saan nagmula ang 2019 novel coronavirus (nCoV).
Ayon pa kay Sta. Romana, nakikipag-ugnayan na sila sa Chinese government para makapagpadala ng chartered flight para sa mga Pilipinong nais umuwi ng Pilipinas, bagamat marami rin naman ang gustong manatili roon.
We will be having talks with the Chinese government to ask for permission na makapagpadala ng chartered flight plane doon para sunduin ang mga Pilipino na nais umuwi, marami rin ang nais manatili do’n,” ani Sta. Romana. —sa panayam ng Balitang Todong Lakas