Umaasa ang motorcycle taxi hailing platform na Angkas na magkakaroon ng extension ang kanilang pilot run na nakatakdang magtapos sa susunod na linggo.
Ayon kay Angkas Chief Transport Advocate George Royeca, nakakuha sila ng 99.99% na safety record sa kasagsagan ng anim na buwang test run.
Aniya, umaasa silang hindi magagambala ang kanilang operasyon lalo na ngayong mataas ang demand dahil sa holiday season.
Dagdag pa nito, itinuturing na nila itong adbokasiya kaysa isang klase ng negosyo.
Magugunitang nakatakdang magtapos ang pilot test run ng Angkas sa Disyembre 26, Huwebes.
