Umabot na sa 21 ang bilang ng mga namatay bunsod ng magkakasunod na lindol sa Mindanao batay sa pinaka huling datos ng National Disaster Risk Reduction Management Council (NDRRMC).
Mula naman sa 327 ay tumaas rin ang bilang ng mga nasugatan sa 331.
Sa pahayag na ipinalabas ng NDRRMC, 3 sa mga nasawi ay mula sa Davao del Sur, 2 sa South Cotabato, 15 sa Cotabato, at 1 sa Sultan Kudarat.
Samantala, umakyat na sa 28,224 ang mga nasirang imprastraktura nang dahil sa lindol.
Nitong Sabado ng tanghali, Nobyembre 2, nang muling makaranas ng magnitude 4.4 ng lindol ang Mindanao na naitala naman sa Sarangani.
Sa pagtaya ng Phivolcs, posibleng tumagal pa ng isang linggo ang nararamdamang sunod-sunod na pag yanig sa ilang bahagi ng Midanao.
