Nakadepende sa ipalalabas na abiso ng mga doktor ni Pangulong Rodrigo Duterte ang mga susunod na magiging biyahe nito sa ibang bansa.
Ito ang inihayag ng Malakanyang matapos aminin ni Pangulong Duterte na nakararanas pa rin siya ng pananakit sa likod.
Ayon kay Presidential Spokesperson Salvador Panelo, biyaheng Thailand ang pangulo ngayong linggo para dumalo sa 35th Association of Southeast Asian Nations o ASEAN Summit and Meetings.
Gayunman, hindi aniya tiyak kung makalalahok pa ito sa Asia Pacific Economic Cooperation o APEC meeting sa Santiago, Chile mula November 16 hanggang 17 at ASEAN – Republic of Korea Commemorative Summit sa Busan, South kKorea mula November 25 hanggang 26.
Sinabi ni Panelo, hindi nila pipiliting bumiyahe ang pangulo kung hindi ito papayagan ng kanyang mga doktor.
