Walang alam si Defense Secretary Delfin Lorenzana sa kasunduang pinasok ng Armed Forces of the Philippines o AFP sa third telco na Dito Telecommunity Corporation o dating kilala bilang Mislatel Company Incorporated.
Kaugnay ito ng planong pagtatayo ng mga tower at telecommunications facilities ng ikatlong telco sa mga kampo militar sa buong bansa.
Ayon kay Presidential Spokesperson Salvador Panelo, pinadalhan siya ng text message ni Lorenzana at itinangging may alam siya sa nabanggit na kasunduan.
Dagdag ni Panelo, tiniyak na rin sa kanya ni Lorenzana na iimbestigahan ang usapin at makikipag-usap sa mga taong sangkot dito.
Magugunitang, pinangangambahan ni Senador Francis Pangilinan ang posibleng banta sa seguridad ng bansa ng pagtatayo ng Chinese company ng pasilidad sa loob ng mga kampo militar.
