Nakumpiska ng Bureau of Customs (BOC) sa Port of Manila ang 16 na container van na puno ng misdeclared agricultural products.
Ayon kay Port of Manila District Collector Arsenia Ilagan, aabot sa P53-M ang halaga ng naturang shipment na nakapangalan sa Shinerise Trading Services.
Idineklarang fishball ang shipment gayong carrtos, sibuyas, brocolli at patatas ang laman nito.
Kinansela na ang accreditation ng consignee habang iniimbestigahan na rin ang customs broker.
