Magpapakalat rin ng mga tauhan ang Armed Forces of the Philippines o AFP sa mismong araw ng State of the Nation Address o SONA ni Pangulong Rodrigo Duterte na gaganapin sa Batasang Pambansa Complex sa lungsod ng Quezon.
Ayon sa Public Information Office of the Joint Task Force-NCR, layun nitong mabigyan ng suporta ang pambansang pulisya upang matiyak na magiging maayos at mapayapa ang ika-apat na SONA ni Pangulong Duterte bukas.
Magmumula umano sa ibat-ibang major services ng AFP ang tropa na ipakakalat nila sa loob at labas ng Batasan Complex.
Kabilang sa mga tututukan ng Joint Task Force-NCR ang pagbibigay-ayuda sa Presidential Security Group, National Capital Region Police Office o NCRPO at iba pang law enforcement agencies.
