Pilipino ang isa sa 23 tripulanteng sakay ng British oil tanker na sinamsam ng revolutionary guard ng Iran sa Gulf Region.
Ito ang inihayag ni Erik Hanell, presidente at chief executive ng operator ng British oil tanker na Stena Impero.
Maliban aniya sa Pilipino, ilan din sa mga tripulante ng Stena Impero ay Indian, Russian at Latvian nationality.
Tiniyak naman ni Hanell na patuloy nilang tinututukan ang kaligtasan at kalagayan ng mga tripulante ng sinamsam na barko.
Una nang napaulat ang pagsasam ng Iran sa British oil tanker na Stena Impero matapos umanong isawalang bahala nito ang warning ng Iran revolutionary guard habang lumalayag sa maling direksyon.