Idineklara ng Malacañang na special non-working holiday ang iba’t ibang syudad at munisipalidad para sa kanilang founding at charter anniversaries at festivals.
Sa mga proklamasyon na nilagdaan ni Executive Secretary Salvador Medialdea, walang pasok ngayong araw sa Lipa City, Batangas; Dagupan City, Pangasinan at Pagadian City, Zamboanga Del Sur.
Special non-working holiday din bukas sa Balete, Batangas; Rosario, Agusan Del Sur; Bayugan City; Maasim, Sarangani at Laurel, Batangas.
Layon ng proklamasyon na bigyan-daan ang paghahanda at pakikiisa ng mga mamamayan sa pagdiriwang sa araw ng kani- kanilang mga lugar.
