Dalawa (2) ang patay habang limampu’t pitong (57) iba pa ang sugatan sa banggaan ng isang trailer truck at pampasaherong bus sa Atimonan, Quezon.
Batay sa ulat ni Atimonan police chief major Michael Encio, tinatahak ng truck ang pababa at kurbadang bahagi ng diversion road sa Barangay Malinao ilaya patungong Bicol nang mawalan ng kontrol ang driver.
Dahil dito, tumagilid ang truck at bumangga sa kasalubong na Mark Eve’s Transit bus na biyahe namang Manila.
Agad nasawi sa aksidente ang driver ng bus na kinilalang si Jonathan Lirio at hindi pa nakikilalang driver ng trailer truck habang patuloy pang pinaghahanap ang nawawalang reliever driver ng pampasaherong bus.
Agad namang isinugod sa hospital ang nasa 57 sugatan kabilang ang pahinante ng naaksidenteng truck at mga pasahero ng bus.
