Maghihigpit ng seguridad ang Commission on Elections para sa proklamasyon ng mga nanalong senador.
Ayon kay Director James Jimenez, spokesman ng COMELEC, hindi nila inaalis ang posibilidad na sumipot sa proklamasyon si Pangulong Rodrigo Duterte para kay Incoming Senator Bong Go.
Ibinatay anya nila ito sa pagsama ng pangulo kay Go nang maghain ito ng kanyang COC o Certificate of Candidacy bilang senador.
Posibleng mamayang gabi isagawa ang proklamasyon ng 12 nanalong senador.
