Kinondena ng Malakanyang ang nangyaring pagsabog sa isang restaurant sa Sultan Kudarat na nag-iwan ng 18 sugatan.
Sa inilabas na pahayag, nangako si Presidential Spokesman Salvador Panelo na mabibigyan ng hustisya ang mga biktima ng naturang pagsabog.
Extortion aniya ang nasa likod na pag-atake batay sa ulat ng pambansang pulisya.
Nagpaalala rin si Panelo sa publiko na maging alerto at kaagad na ipaalam sa mga otoridad kung mayroon mang makitang kahina-hinalang mga aktibidad sa paligid.
