Patay sa pananambang ng riding in tandem ang isang sundalo sa Datu Odin Sinsuat, Maguindanao.
Hindi naka-duty ang biktimang si Corporal Sahelbasar Alaja, squad lider ng 90th Infantry Battalion ng Philippine Army, nang tambangan ng mga hindi pa nakikilalang mga suspek sa barangay Semba.
Naisugod pa sa Cotabato Regional and Medical Center ang biktima ngunit idineklara ring dead-on-arrival.
Nakikipag-ugnayan na ngayon ang Datu Odin Sinsuat Police sa 6th Infantry Division upang maglatag ng isang manhunt operation para sa mga suspek.
Samantala, si Alaja na ang ikaapat na sundalong pinatay sa Maguindanao at Cotabato City mula noong nakaraang linggo.
