Itinuring na insulto ni Communist Party of the Philippines o CPP founder Jose Maria Sison ang muling pagbubukas ni Pangulong Rodrigo Duterte sa usapang pangkapayapaan.
Ayon kay Sison, layon lamang ng pangulo na insultuhin ang revolutionary movement ng kanilang grupo.
Paraan din aniya ito ng pangulo upang palabasin sa publiko na sadyang masama ang kanila hangarin lalo na’t kapag tumanggi sila sa alok nito.
Magugunitang muling inungkat ng punong ehekutibo ang pagiging bukas nito sa pagpapatuloy ng negosasyon hinggil sa usapang pangkapayapaan.
