Ibinabala ng Metropolitan Manila Development Authority (MMDA) ang mas mabigat pang daloy ng trapiko pagsapit ng Disyembre dahil sa Christmas rush.
Ayon sa MMDA, magiging dagdag na problema sa nararanasang matinding traffic sa EDSA ang Christmas rush lalo na’t marami pang road projects ang hindi pa natatapos ng Department of Public Works and Highways (DPWH).
Ipinabatid ng MMDA na dalawa pa sa 17 Mabuhay Lanes Project ng DPWH ang nananatiling nakatiwang-wang at sa Disyembre pa matatapos.
Problema rin anito ang mga jeep na ginawa nang terminal at bahay ang mga kalye malapit sa EDSA.
By Judith Larino
