Ibinasura ng Bureau of Immigration ang hirit ni Sister Patricia Fox na palawigin pa ang kaniyang missionary visa.
Batay sa inilabas na desisyon ng Immigration, sinabi nito na ang umiiral na deportation order laban kay Sister Fox ang siyang pinagbatayan para palawigin ang visa ng madre.
Ayon kay Dana Krizia Sandoval, tagapagsalita ng Immigration, nilabag ni Sister Fox ang kundisyon sa kaniyang pananatili sa bansa kaya’t nararapat lang itong paalisin sa bansa.
Nakita aniya ng kanilang legal team na sakaling aprubahan ang visa ni Sister Fox, kokontra naman ito sa mga paglabag ng madre na nakasaad sa deportation order laban dito.
