Nagbukas na muli ang runway ng NAIA o Ninoy Aquino International Airport.
Ito ay naging mas maaga sa naging anunsyo ng MIAA na bubuksan ito pasado alas dose ng tanghali ngayong Sabado, Agosto 18 upang bigyang daan ang demobilization ng mga heavy equipment na ginamit sa pag-alis ng sumadsad na eroplano ng Xiamen Airlines at paglilinis na rin sa mga naiwang debris sa runway.
Pasado ala siyete kaninang umaga nang tuluyang maialis ang eroplano ng Xiamen airlines sa runway at dinala sa Balagbag ramp.
Matatandaan na sumadsad sa runway ng NAIA ang flight MF8667 ng Xiamen Air sa gitna ng malakas na buhos ng ulan noong Huwebes.
Runway 06 24 now open for commercial operation @dwiz882 pic.twitter.com/rvzMfysgsn
— raoul esperas (@raoulesperas) August 18, 2018
