Lalo pa ng umiinit ang word war sa pagitan nila Dating Pangulong Benigno Noynoy Aquino III at Department of Foreign Affairs Secretary Alan Peter Cayetano.
Nag-ugat ito sa panawagang transparency ni Aquino sa administrasyong Duterte hinggil sa itinatakbo ng usapan sa pagitan ng Pilipinas at China sa territorial dispute sa West Philippine Sea.
Magugunitang sinagot ni Cayetano sa pamamagitan ng open letter ang panawagan ni Aquino kung bakit tila hindi ito naging transparent at kung bakit tuluyan nang nakontrol ng China ang West Philippine Sea noong 2012.
Binira rin ni Cayetano ang maka-ilang beses umanong pagpunta ni Senador Antonio Trillanes IV sa China para sa isang backdoor negotiations na nag-ugat sa stand off sa pagitan ng China at Pilipinas.
Sagot naman ni Aquino, madali namang mahanap ang mga kasagutan sa mga tanong ng kalihim ito’y sa pamamagitan ng Google.
